دليل الصالون على تكة: المواعيد والخدمات والمنتجات وعمولة كل موظف

الدليل ده لصاحب صالون أو محل حلاقة عايز يعرف تكة بيعمل إيه في شغل الصالون بالظبط. كل اللي تحت موجود في النظام النهارده.

1. الخدمات والموظفين

سجّل خدماتك (قص، سشوار، صبغة، مانيكير...) بالأقسام والأسعار، وحدد مين من الموظفين بيعمل كل خدمة. لكل موظف ساعات شغل وإجازات، فالمواعيد المتاحة بتطلع على حسبها.

2. المواعيد

• تقويم المواعيد في لوحة التحكم، وتقدر تسحب الميعاد لوقت تاني أو تطوّله.
• الزبونة تحجز من تطبيق تكة للعملاء في 3 خطوات: الخدمة، الميعاد، التأكيد.
• تحدد سياسة الإلغاء بتاعتك، والتطبيق بيوضح للزبونة قبل ما تلغي.

3. على الكاشير

الكاشير بيشوف مواعيد النهارده، يعمل تسجيل وصول للزبونة، ولما تخلص يقفل الميعاد بفاتورة. الخدمات والمنتجات (شامبو، كريم، صبغة) في نفس الفاتورة، والمنتجات بتتخصم من المخزون. وللي جاية من غير حجز في walk-in وقايمة انتظار.

4. العمولات وملف الزبونة

تحدد نسبة عمولة لكل موظف، وتطلع تقرير العمولات لأي فترة. ولكل زبونة ملف فيه زياراتها، عشان تعرف بتحب إيه ومين بيخدمها.

محتاج حاجة مش موجودة؟

كلمنا على واتساب وقولنا. بنكتب اللي موجود بس.